NDF ခေါင်းဆောင်များကို ဒေါ်အောင်ဆန်းစုကြည် ကြိုဆိုနေစဉ်။ (ဓာတ်ပုံ - မဇ္ဈိမ)
“တွေ့ဆုံရတာ အားရကျေနပ်မှု ရှိပါတယ်။ မတွေ့တာလည်း ကြာပြီဆိုတော့ ၀မ်းသာကြတာပေါ့။ ပါတီနှင့် ပတ်သက်တာတွေကို မပြောဖြစ်ပါဘူး။ ပုဂ္ဂ္ဂိုလ်ရေးအရသာ တွေ့တာပါ။ နိုင်ငံရေးကိစ္စတွေတော့ မပါပါဘူး” ဟု NDF အကြံပေးပုဂ္ဂိုလ် ဦးခင်မောင်ဆွေက မဇ္ဈိမကို ပြောသည်။
သူက ဆက်ပြီး “ဒေါ်အောင်ဆန်းစုကြည်နဲ့ တွေ့ဆုံစဉ်မှာ သူ့ရဲ့မျက်နှာ ရွှင်ပြပြီးတော့၊ မျက်စိက အရောင်တောက် ပြီးတော့ ပြုံးပြုံးရွှင်ရွှင်နဲ့ ကျနော်တို့ကို ကြိုဆိုပါတယ်။ ကိုယ်ရေးကိုယ်တာ ဆွေးနွေးတဲ့အတွက် အိမ်ထောင်ရေး၊ ကျန်းမာရေး၊ ပညာရေးနဲ့ ဟိုတုန်းက အကြောင်းတွေကိုပဲ ပြန်ပြီးတော့ ပြောကြတာပါ။ ဟိုတုန်းက လုပ်ဖော်ကိုင်ဘက် ဟောင်းတွေကို တွေ့ဆုံတဲ့ ပွဲတွေလေးပဲ ဖြစ်ပါတယ်” ဟု ပြောသည်။
ဒေါ်အောင်ဆန်းစုကြည်နှင့် တွေ့ဆုံရန် NDF ခေါင်းဆောင်များ ရောက်ရှိလာစဉ်။ (ဓာတ်ပုံ - မဇ္ဈိမ)
ယခင် NLD လူငယ်ဟောင်းများဖြစ်ကာ လက်ရှိ NDF အဖွဲ့ဝင် ကိုမျိုးအောင်နှင့် ကိုမြင့်လွင်ကို နာရီဝက်ခန့်ကြာ တွေ့ဆုံပြီးနောက် NDF ခေါင်းဆောင်များကို တွေ့ဆုံခဲ့ခြင်း ဖြစ်သည်။
ယနေ့ တွေ့ဆုံပွဲနှင့်ပတ်သက်၍ NDF မှ ရွေးကောက်ပွဲအနိုင်ရ အမတ်တဦးက "အခုတွေ့တာ ကျနော်တို့နဲ့ မဆိုင်ဘူး။ ပါတီခေါင်းဆောင်တွေအနေနဲ့ တွေ့တာမဟုတ်ဘူး။ အရင် NLD လုပ်ဖော်ကိုင်ဘက်ဟောင်းတွေအနေနဲ့ တွေ့တာ။ ဒါဟာ ပါတီကို ကိုယ်စားပြုပြီး တွေ့တာမဟုတ်ဘူး။ အဲဒီတော့ ကျနော်တို့အနေနဲ့ ဘာမှ ပြောစရာ၊ ဝေဖန်စရာ မရှိပါဘူး" ဟု မဇ္ဈိမကို ပြောသည်။
နောက်ပိုင်းတွင်လည်း ဒေါ်အောင်ဆန်းစုကြည်နှင့် ထပ်မံတွေ့ဆုံသွားမည်ဟု ဦးခင်မောင်ဆွေက ပြောသော်လည်း၊ မည်သည့်အကြောင်းကိစ္စကို ဆွေးနွေးမည်ဟု ရည်ညွှန်းပြောဆိုခြင်း မရှိပါ။
NDF အကြံပေးပုဂ္ဂိုလ် ဦးခင်မောင်ဆွေ။ (ဓာတ်ပုံ - မဇ္ဈိမ)
NLD က ယခုနှစ် မတ်လ ၂၉ ရက်နေ့တွင် ၂၀၀၈ ဖွဲ့စည်းပုံ အခြေခံဥပဒေနှင့် ရွေးကောက်ပွဲ ဥပဒေများသည် တရားမျှတမှု မရှိဟုဆိုကာ ပါတီကို ထပ်မံမှတ်ပုံမတင်ရန်နှင့် ၂၀၁၀ ရွေးကောက်ပွဲ မ၀င်ရန် ဆုံးဖြတ်ခဲ့သည်။
သို့သော် သဘောထားခြင်း မတိုက်ဆိုင်သော ဗဟိုအလုပ်အမှုဆောင် ၄ ဦးနှင့် ဗဟိုဦးစီးအဖွဲ့ဝင် ၇ ဦး အပါအ၀င် ပါတီဝင် ၂၇ ဦးက မေလ ၆ ရက်နေ့တွင် NDF ကို တည်ထောင်ခဲ့သည်။ ၎င်းတို့၏ ပါတီထောင်ခြင်းကို ဇွန်လ ၁၄ ရက်နေ့တွင် ရွေးကောက်ပွဲ ကော်မရှင်က ခွင့်ပြုခဲ့သည်။ ရွေးကောက်ပွဲတွင် NDF အမတ်လောင်း ၁၆၃ ဦး ၀င်ပြိုင်ရာတွင် ၁၆ ဦးသာ ရွေးချယ်တင်မြောက်ခံခဲ့ရသည်။
0 件のコメント:
コメントを投稿